Мягмар гарагийн байдлаар Турк улсын үндэсний мөнгөн тэмдэгт болох лирийн ханш 15 хувиар унажээ. Улмаар нэг лир одоо 0.078 ам.доллартой тэнцэж байгаа бөгөөд нэг долларыг 13 лирээр худалдан авахаар байгаа юм.

Тийнхүү Туркийн лир нэг жилийн дотор өөрийн үнэ цэнээ 45 хувиар алдаж, дэлхийн хамгийн муу үзүүлэлттэй мөнгөн тэмдэгтээр нэрлэгдэх болсон байна. Ханшийн уналтын улмаас тус улсад инфляц 20 хувьд хүртэл өсөж, гадны зарим байгууллага үйл ажиллагаагаа зогсооход хүрээд байгаа юм.

Мөнгөний ханш ийн унах болсонд олон нийтийн зүгээс ерөнхийлөгч Эрдоганыг буруутгаж байгаа боловч ноён Эрдоган өөрийн бодлогодоо үнэнч байна хэмээн мэдэгджээ.

Эх сурвалж: BBC