Хятадын компаниуд Серби-Унгар чиглэлд нийт 350 километрийн урттай төмөр зам барих ажлыг эхлүүлжээ. Тус төмөр зам ашиглалтад орсноор хоёр улсын хооронд ердөө 2 цагийн дотор бараа бүтээгдэхүүн, хүн тээврийн үйлчилгээ явуулах боломжтой болох гэнэ.

Улмаар төмөр замыг барих ажил энэ долоо хоногийн даваа гарагт албан ёсоор нээлтээ хийсэн байна.

Дээрх төмөр замын Серби улсын талд баригдаж байгаа хэсэг ирэх гурван жилийн дотор баригдаж дуусах бол Унгарын талд баригдаж байгаа хэсэг нь 2025 оны дотор баригдаж дуусах төлөвтэй байгаа юм.

Хятадын тал тус төмөр замаас 108 километрийг нь барихаар болсон бөгөөд төмөр зам барих нээлтийн ажилд Сербийн ерөнхийлөгч, Унгарын Гадаад хэргийн сайд, Хятадын төлөөлөгч нар оролцжээ.

Эх сурвалж: Xinhua