Энэтхэг улсын засгийн газар урт хугацааны туршид хэлэлцсэн хуулийн төслийн хүрээнд дийлэнх криптовалютыг хориглох төлөвлөгөөгөө хэрэгжүүлэх болжээ.
Хөндлөнгийн ажиглагч нар сүүлийн үед тус улсыг дижитал мөнгөн дэвсгэртийг харах өнцгөө зөөлрүүлнэ гэж найдаж байсан юм. Гэсэн хэдий ч засгийн газраас тийнхүү дийлэнх криптовалютыг хориглох болжээ. Улмаар засгийн газраас шийдвэрийг танилцуулсны дараагаар Энэтхэгийн биржүүд дээр криптовалютын үнэ унасан байна.
Тодруулбал, WazirX гэх Энэтхэгийн бирж дээр Биткоины ханш 13 хувиар унасан бол, Shiba Inu, Dogecoin коины ханш тус бүр 15 хувиар унажээ. Гэсэн хэдий ч тус шийдвэр криптовалютын дэлхийн зах зээлд харьцангуй бага нөлөөтэй байсан юм.
Шинжээчдийн хэлж байгаагаар, “Улс орон бүрийн засгийн газрын криптовалютыг харах өнцөг өөр өөр байна. Гэсэн ч тэд бүгд л кирповалютын зах зээлд өөрсдийн давамгайллыг бий болгохыг хүсэж байгаа. Энэтхэг улс ч ялгаагүй. Хятад улс криптовалютыг хориглож болж байгаа бол бид ч тэгж чадна гэсэн хандлага ажиглагдлаа” гэжээ.
Эх сурвалж: BBC