Дэлхийн энтертайнмент контент бүтээгч анхны компани болох алдарт Уолт Дисней ирэх жилийн контентууддаа зориулж 33 тэрбум ам.долларыг төсөвлөсөн байна.
Ийнхүү Дисней ирэх онд бүтээх контентын төсвөө энэ жилийнхээс даруй 8 тэрбум ам.доллароор нэмэгдүүлснээ Үнэт цаас, биржийн хороонд (SEC) гаргадаг жилийн тайландаа зарлав.
Тус компанийн зүгээс энэхүү төсвөө голчлон өөрийн стриминг платформууд дээр гарах цуврал кино болон бүрэн хэмжээний кинонд зарцуулахаар төлөвлөж байгаагаа мэдэгдэв. Дисней компани нь Disney Plus, Hulu, ESPN Plus зэрэг стриминг платформуудыг ажиллуулдаг юм.
Дисней зөвхөн контентод зориулан энэхүү аварга төсвийг баталснаараа одоогоор дэлхийд №1 cтриминг үйлчилгээ үзүүлэгч Netflix компанийг гүйцэх гэсэн алхам хэмээн тайлбарлаж байна.
Эх сурвалж: YTN