Их Британийн агаарын тээврийн Бритиш Эйрвэйс компани Хонконг руу үйлдэх нислэгүүдээ цуцаллаа. Учир нь засгийн газраас тус авиа компанийн хөлгийн бүрэлдэхүүнийг албадан тусгаарлалтад оруулсан юм. Тиймээс Бритиш Эйрвэйсийн зүгээс тухайн чиглэлд үйлдэх нислэгүүдээ цуцлах болсноо мэдэгджээ.
Тэдний тус чиглэлд нислэг үйлдэхэд ямар, ямар шаардлага тавих болсныг тодруулсны дараагаар үйл ажиллагаагаа үргэлжлүүлэх болно хэмээсэн байна.
Харин үйл явдлын хүрээнд South China Morning Post агентлагийн хийсэн мэдэгдлийг тодруулбал, Бритиш Эйрвэйсийн ажилтан коронавирусийн халдвар авч, шинжилгээгээр эерэг гарсан тул хөлгийн багийг бүхэлд нь тусгаарлах хэрэг гарсан гэнэ.
Хонконгийн Эрүүл мэндийн албанаас мэдээлснээр коронавирусийн шинэ хувилбар гарсантай холбогдуулан тусгаарлалтын арга хэмжээг авах болсон ажээ. Учир нь шинэ хувилбар Хонконг болоод Их Британи гээд хэд хэдэн газар бүртгэгдээд юм.
Нислэг цуцлах ажлын хүрээнд Бритиш Эйрвэйсээс үйлчлүүлэгч нартаа хандаж, “Бидний гаргасан шийдвэрийн хүрээнд аяллынх нь төлөвлөгөөнд саатал гарсан үйлчлүүлэгч нараасаа хүлцэл өчье. Бид тэдэнд орлуулж болох, өөр нислэгийн хувилбаруудыг санал болгон ажиллах болно” хэмээжээ.
Эх сурвалж: BBC