Даваа гарагт Ниссан Мотор корпорацаас ойрын таван жилийн төлөвлөгөөгөө танилцуулжээ. Төлөвлөгөөний хүрээнд Ниссаны зүгээс батарейгаар ажилладаг 20 шинэ загвар гаргахаар зорьж, 17.6 тэрбум ам.доллар төсөвлөсөн байна.
Тэдний хэлснээр шинээр гаргах загваруудын зарим нь цэвэр батарейгаар ажиллах бол бусад нь шатахуун болон цахилгаан холимог байх гэнэ. Гэвч тэдний зүгээс 20 машины хэд нь батарейгаар ажилладаг байхыг нарийвчлан хэлээгүй ажээ.
Түүнчлэн 2030 он гэхэд Ниссаны бүх загварын тал нь батарейгаар ажилладаг болсон байх юм.
Эх сурвалж: The Wall Street Journal