Твиттер платформын үүсгэн байгуулагчдын нэг Жак Дорси гүйцэтгэх захирлын албан тушаалаасаа буужээ. Түүний албыг техникийн албаны даргаар ажиллаж байсан Параг Агравал залгах гэнэ.
Жак Дорсигийн хувьд 2006 онд Твиттер платформыг үүсгэн байгуулахад гар бие оролцож, тухайн цагаас хойш Твиттер болон Скуэр гэх тооцооны фирмийн гүйцэтгэх захирлаар ажиллаж байсан юм.
Тийнхүү албан тушаалаасаа буухдаа тэрээр мэдэгдэл хийж, “Одоо миний явах цаг болжээ” хэмээжээ. Тэрээр өөрийнх нь албыг авч байгаа эрхэмд гүнээ итгэж буйгаа илэрхийлсэн бөгөөд “Би түүний сэтгэл, зүтгэл, чанарт маш их талархдаг. Одоо түүний манлайлах цаг нь ирсэн” гэсэн байна.
Параг Агравалын хувьд 2011 оноос Твиттерт ажиллаж эхэлсэн ба 2017 техникийн албаны даргаар ажиллах болсон юм.
Эх сурвалж: BBC