Pfizer эм, эмийн бүтээгдэхүүн үйлдвэрлэгч компанийн захирал Альберт Боурла даваа гарагт хийсэн мэдэгдэлдээ тэдний үйлдвэрлэж байгаа коронавирусийн эсрэг үйлчилгээтэй эм коронавирусийн омикрон хувилбараас ч үр дүнтэй хамгаална гэж итгэж байгаагаа хэлжээ.
Түүний хэлснээр, “Сайн мэдээ гэвэл бидний үйлдвэрлэж байгаа эмийн хувьд олон төрлийн мутаци илэрч болзошгүй гэж тооцож үйлдвэрлэсэн. Тиймээс бидний зүгээс манай үйлдвэрлэж байгаа эм вирусээс найдвартай хамгаална гэдэгт маш их найдаж байгаа юм” гэнэ.
Клиникийн туршилтын үр дүнд Pfizer-ийн үйлдвэрлэсэн Паксловид эм нь вирусээр халдварласан тохиолдолд шинж тэмдэг илэрснээс хойш гурван хоногийн хугацаанд ДОХ-ын үед өргөн хэрэглэдэг эмтэй хавсарч уухад эмнэлэгт хэвтэх, амиа алдах тохиолдлыг 89 хувиар бууруулж байсан юм.
Улмаар Альберт Боурлагийн мэдээлснээр тэд одоо нийт 80 сая курс эмийг үйлдвэрлэхээр зорьж байгаа ажээ.
Эх сурвалж: CNBC