Коронавирусийн эсрэг вакцин үйлдвэрлэгч Модернагийн захирал Стефане Бэнзел хүмүүсийн хийлгэж буй вакцинууд омикрон хувилбараас сэргийлж чадах эсэхэд эргэлзэж байгаагаа дуулгаснаар дэлхийн хувьцааны зах зээл уналтад оржээ.
Тэрээр Финаншил Таймс агентлагт өгсөн ярилцлагадаа омикрон хувилбар вакцины үр дүнтэй байдалд нөлөөлөхийг дуулгасан юм. Түүнчлэн одоо хийж байгаа вакцинуудыг омикрон хувилбарт нийцүүлэн сайжруулахад багагүй хугацаа зарцуулагдахыг ч хэлжээ.
Тийнхүү түүний хийсэн мэдэгдлийн дараагаар АНУ-д л гэхэд зах зээл дээрх хувьцаанууд дор хаяж 1.9 хувийн уналт үзүүлсэн байна. АНУ-ын зах зээл дээрх хувьцаанууд унахаас өмнө Их Британи, Герман, Франц улсуудад ч хувьцааны уналт их байсан юм. Түүнчлэн Токиогийн Никкей индекс 1.6 хувьд хүрч хаагдсан бол түүхий нефтийн үнэ 3 хувиар унажээ. Харин Австрали долларын ханш нэг жилийн хамгийн доод үнэд хүрсэн байна. Харин даваа гарагт хувьвцааны зах зээл бага зэрэг сэргэжээ.
Эх сурвалж: BBC