Филиппин улсад ирэх оны тавдугаар сард сонгууль болох гэж буйтай холбогдуулан Гүүгл платформын зүгээс улс төрийн суртал ухуулга бүхий сурталчилгааг хориглох болсноо мэдэгджээ.

Лхагва гарагт тус компанийн мэдээлснээр санал хураалтын өмнөх чимээгүй үе болоод сонгуулийн компанит ажлын үеэр өөрийн платформ дээр суртал ухуулгын шинжтэй сурталчилгааг огт явуулахгүй гэсэн юм. Харин суртал ухуулгын шинжтэй сурталчилгаанд ямар сурталчилгаа багтах вэ гэхээр нэр дэвшигч өөрийгөө сурталчилсан, өрсөлдөгч нам, нэр дэвшигчийг харлуулсан утга бүхий төлбөртэй сурталчилгаанууд орох гэнэ.

Тийнхүү тус хориг ирэх хоёрдугаар сарын 8-наас тавдугаар сарын 9-нийг хүртэл хүчинтэй байх ажээ.

Бизнес эрхлэгчид, засгийн газрын ажилчид, судлаачдын үздэгээр Гүүгл, Фэйсбүүк, Твиттер гэх платформууд өөрсдийн улс төрийн итгэл үнэмшлийн хүрээнд хэрэглэгчдийг тандаж, тэдэнд нөлөөлөх боломжтой байдал нь ардчилалд заналхийлж буй хэрэг гэнэ.

Судалгаагаар филиппинчүүд өдөрт дор хаяж 4 цаг 12 минутыг сошиал медиа платформд зарцуулдаг тул дээрх платформуудаар явах сурталчилгаа ард иргэдийн сонголтод шууд нөлөөлөх боломжтой юм. Тиймээс платформ нийлүүлэгчдийн зүгээс тус арга хэмжээг авах болжээ. Гэвч Мета болоод Твиттер зэрэг томоохон компаниуд ижил арга хэмжээ авч хэрэгжүүлэх эсэх нь тодорхойгүй байна.

Эх сурвалж: CNN