Уолт Дисней 98 жилийн түүхэндээ анх удаа эмэгтэй удирдлагатай боллоо. Шинээр томилогдож буй тэргүүнийг Сюзан Арнолд гэх бөгөөд тэрээр Диснейн удирдах зөвлөлд 14 жил ажилласан юм. Улмаар Диснейн одоогийн захирал Боб Ийгр энэ оны сүүлээр албаа хүлээлгэж өгөх гэнэ.
Сюзан Арнолдын хувьд өмнө нь Карлайлэ гэх глобал хөрөнгө оруулалтын фирмд гүйцэтгэх захирлын алба хашиж байжээ.
Тэрээр шинэ томилгооныхоо хүрээнд хийсэн мэдэгдэлдээ, “Диснейн захирлаар томилогдсоноор би хувьцаа эзэмшигчдийнхээ урт хугацааны ашиг сонирхлыг үргэлжлүүлэн хангаж, компанийн урт хугацаанд бий болгосон алдар хүндийг хадгалах үүднээс гүйцэтгэх захирал Боб Чапектай гар нийлж ажиллах болно” хэмээсэн юм.
Эх сурвалж: BBC