Модернагийн зүгээс тэд ирэх гуравдугаар сар гэхэд омикрон хувилбарын эсрэг вакциныг бүтээж, хэрэглээнд нэвтрүүлэхэд шаардагдах зөвшөөрлийг бүрдүүлж гүйцэх боломжтойг хэлжээ.
Тус компанийн захирал Стефен Хожын мэдэгдсэнээр, омикрон хувилбарт багтсан мутациудад хүрч үйлчлэх шинэ, өдөөгч вакциныг бүтээх нь хувилбарын тархалтыг хумих хамгийн боломжит арга гэнэ.
Түүнчлэн тэрээр Ройтэрс агентлагт өгсөн ярилцлагадаа, “Бид аль хэдийн төслөө боловсруулж эхэлсэн” хэмээсэн байна.
Модерна мөн өөр нэгэн төсөл эхэлсэн нь коронавирусийн тархалт өндөртэй дөрвөн хувилбараас бүгдээс нэгэн зэрэг сэргийлэх вакциныг бүтээх гэнэ. Гэвч түүний хэлснээр тус төсөлд нэлээдгүй хугацаа зарцуулагдах ажээ.
Эх сурвалж: The Reuters