Шинэ жилийн уур амьсгал хамгийн ихээр оруулдаг “сонгодог” кинонуудын нэг "Гэртээ ганцаараа" дээр гардаг байшинг Airbnb-ээр дамжуулан түрээслэх боломжтой болжээ.
Орон нутгийн цагаар 1-ний өдөр Airbnb компанийн зүгээс 1990 онд бүтээсэн "Гэртээ ганцаараа" киноны "улаан тоосгон байшин"-г түрээслэх болсноо зарлав.
Чикагогийн хойд хэсгийн Виннетка дүүрэгт байрлах энэхүү байшинг 12-р сарын 12-ны өдөр 25 ам.доллароор түрээслэх боломжтой ба түрээсийн захиалгыг 7-ны өдөр авч баталгаажуулах гэнэ. Ганцхан өдөр тохиох энэхүү завшааныг ердөө 4-хөн хүн хүртэх эрхтэй аж. Түүгээр ч зогсохгүй зочдыг Кевиний төрсөн ах болох 'Buzz'-ын дүрд тоглодог жүжигчин Девин Рэтрей хүлээн авах аж.
"Гэхдээ тус байшинг түрээслэсэн зочид Кевин шиг орон байрны хулгайчдыг “чадах”шаардлага гарахгүй” хэмээн Airbnb хошигносон байна. Гэхдээ "Зочид зөвхөн уг алдартай байшинд ороод зогсохгүй кинон дээр гардаг Кевиний өөрийн гараар хийдэг зарим нэг жижиг тэсрэх бөмбөг, тоглоом зэргийг мөн бүтээх боломжтой" гэж онцлов. Мөн зочдыг Кевиний захиалж иддэг Чикагогийн пиццагаар дайлахын зэрэгцээ тус кинон дээр гардаг аалзтай ч “уулзах” боломж олдох юм.
Airbnb компанийн зүгээс энэмэтчилэн олны хүртээлболсон кинон дээр гардаг байшингуудыг өөрийн хэрэглэгчдэд санал болгож буй тохиолдол анхных биш билээ. Өнгөрсөн сард тус компани "Sex and the City" киноны Кэрригийн амьдардаг “Brownstone” орон сууцыг мөн түрээслүүлнэ хэмээн мэдэгдэж байсан юм.
Эх сурвалж: YTN