Пиццаны зуурсан гурилд ​санаатайгаар сахлын хутганы ир хийсэн эрд 5 жилийн ял оноожээ
2021, 12 сарын 3. 15:190 сэтгэгдэл876

АНУ-ын Портленд хотод пиццаны зуурсан гурилд сахлын хутганы ир, эрэг шурга хийсэн эрд Холбооны шүүхээс 4 жил 9 сар хорих ял оноожээ.

Шүүхийн шийдвэрийг пүрэв гарагт танилцуулсан юм. Өдгөө 39 настай Николас Митчел гэх эрийг өргөн хэрэглээний бүтээгдэхүүнд удаа дараа хохирол учруулсан хэрэгт гэм буруутай болохыг тогтоосон байна. Мөн түүнд 230 мянган ам.долларын торгууль ногдуулсан юм.

Николас саяхан хоригдож байх хугацаандаа коронавирусийн халдвар авч, эдгэрээд удаагүй байсан ч шүүхийн зүгээс ялын тогтоолыг хойшлуулалгүй уншиж танилцуулсан байна.

Аз болоход хэргийн хүрээнд хэн нэгэн хохироогүй хэдий ч олон нийтийг айдаст автуулсан юм.

Шүүхийн шийдвэрийг танилцуулах үеэр тэр өөрийн хийсэн үйлдэлд гүнээ харамсаж байгаагаа илэрхийлжээ. Улмаар хэргийг ямар санаатай үйлдсэн тухайд, өөрийг нь ажлаас халсан пиццаны байгууллагаас өшөө авах сэдэлтэй байсан гэж тайлбарласан байна.


Эх сурвалж: AP News

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ