Жил бүр зохион байгуулагддаг App Store Awards энэ оны шилдгүүдээ тодруулж, Apple-ийн зүгээс нийт 15 аппликэйшнийг шилдгээр нэрлэсэн байна.

Улмаар Apple компанийн захирал Тим Күүк, “Энэ удаагийн App Store Awards наадмын шилдгээр нэрлэгдсэн хөгжүүлэгч нар бол өөрсдийн хүсэл зориг, алсын хараагаа ашиглан жилийн хамгийн шилдэг аппликэйшн, тоглоомуудыг олон нийтэд хүргэсэн хүмүүс. Тэд дэлхий даяар тархсан олон мянган хэрэглэгчийн дур хүсэл, уран сэтгэмжийг хөглөсөн” хэмээн мэдэгдсэн юм.

Энэ оны шилдгүүдийг танилцуулбал, iPhone дээрх оны шилдэг аппликэйшнээр Toca Life World, iPad дээрх оны шилдэг аппликэйшнээр LumaFusion, Mac дээрх оны шилдэг аппликэйшнээр Craft, Apple TV зурагт дээрх шилдэг аппликэйшнээр DAZN, Apple ухаалаг цаг дээрх шилдэг аппликэйшнээр Carrot Weather нар тодорчээ.

Харин видео тоглоомын хувьд “League of Legends: Wild Rift”, “MARVEL Future Revolution”, “Myst”, “Space Marshals 3”, “Fantasian” нарыг нэрлэжээ.

Эх сурвалж: Apple Insider