Алибаба Групп Холдинг байгууллагынхаа бүтцэд өөрчлөлт оруулж, санхүүгийн албаны даргаа ч солин томилжээ. Тэдний зүгээс даваа гарагт өөрчлөлтийн тухайд мэдэгдэл хийсэн бөгөөд зах зээлийн өрсөлдөөн ширүүсэж, эдийн засаг удааширсан зэрэг асуудлуудаас үүдэн дээрх арга хэмжээг авах болсон гэнэ.
Тийнхүү өөрчлөлтийн хүрээнд Алибаба үйл ажиллагааны чиглэлээ олон улс болон Хятад гэсэн үндсэн хоёр хэсэгт хувааж, ингэснээр илүү идэвхтэй, хурдацтай хөгжинө гэж найдаж байгаагаа илэрхийлсэн байна. Улмаар олон улсын дижитал худалдааны салбарт AliExpress.com, Alibaba.com, Lazada нар багтах ажээ.
Харин компанийн санхүүгийн албаны дарга асан Магги Вү гүйцэтгэх захирлын үүрэг гүйцэтгэх бол түүний албыг Тоби Шү гэх эрхэм хүлээн авах гэнэ.
Эх сурвалж: Al Jazeera