Орон нутгийн цагаар 4-ний өдөр Биткойны ханш 20%-иар унах үед Биткойныг хууль ёсны төлбөрийн хэрэгсэл болгон зарласан Сальвадор улс нэмж худалдан авсан байна.
Тус улсын Ерөнхийлөгч Наийб Букеле мөн өдөр өөрийн Твиттер хуудсандаа Биткойны ханш огцом унах үед тус койноос 150-ыг нэмж худалдаж авсан тухайгаа жиргэжээ.Түүний хэлснээр энэ удаад биткойны нэгж бүрийг дунджаар 48,670 ам.доллароор авсан гэжээ. Америкийн криптовалютын бирж болох Койнбэйсийн мэдээлснээр, өмнөх өдөр нь ойролцоогоор 56,000 ам.доллар байсан биткойн нэг өдрийн дотор 42,000 ам.доллар болтлоо буурсан хэдий ч дараа нь бага зэрэг сэргэж, 47,000 орчим ам.доллар дээр тогтсон байна.
Биткойныг хууль ёсны төлбөрийн хэрэгсэл болгосон дэлхийн анхны улс болох Сальвадор нь сүүлийн үед биткойны ханш унах бүрийд хямд үнээр худалдан авч байгаа юм.
Эх сурвалж: JoongAng