Нью Йорк хотын захирагчийн мэдэгдсэнээр хөдөлмөр эрхлэгчид ажилдаа явахыг хүсэж байвал вакциндаа хамрагдах хэрэгтэй гэжээ. Билл де Бласиогийн хэлж байгаагаар төрийн байгууллагад ажиллагсад вакциндаа аль хэдийн хамрагдсан бөгөөд одоо харин хувийн хэвшилд ажиллагсдын хүрээнд вакциныг зайлшгүй хийлгэсэн байх шаардлага тавьж байгаа юм. Тус шийдвэр энэ сарын 27-ноос хэрэгжиж эхлэх гэнэ.
Ингэснээр Нью Йорк хот төрийн болоод хувийн хэвшлийн ажиллагсад бүгдээс нь вакцин хийлгэсэн байхыг шаардаж байгаа АНУ-ын анхны муж болж байгаа юм.
Одоогийн байдлаар Нью Йорк хотын ард иргэдийн 69 хувь нь вакциндаа бүрэн хамрагдаад байгаа бөгөөд гаргасан шийдвэрийнхээ хүрээнд ноён Бласио бусад мужийг өөрийнх жишгийг дагахыг уриалжээ. Түүнчлэн зоогийн газар, үдшийн цэнгээний газар, бялдаржуулах төвөөр үйлчлүүлэх хүмүүс ч вакцинаа хийлгэсэн байх ёстой гэж журамласан байна.
Эх сурвалж: BBC