ОХУ-аас Балтын тэнгисээр дамжин ХБНГУ руу байгалийн хий нийлүүлэх “Норд Стрийм 2” шугамд зөвшөөрөл олгох асуудлыг арван нэгдүгээр сарын дунд үед Герман улсын талаас түр түдгэлзүүлсэн билээ.
Улмаар Герман улсын зүгээс тухайн шугамын үйл ажиллагааг удирдах төв байрыг өөрийн улсын нутаг дэвсгэрт байршуулахаас нааш зөвшөөрлийг олгохгүй гэж мэдэгдээд байгаа юм.
Тэгвэл зөвшөөрлийн хүрээнд ХБНГУ-ын Эрчим хүч, эдийн засгийн яамны хэвлэлийн төлөөлөгчийн мэдээлснээр зөвшөөрөл олгохоос нааш тус шугамыг ашиглалтад оруулж болохгүй хэмээсэн байна. Тэрээр, “Зөвшөөрөл олгох асуудал хараахан эцэслэгдээгүй байна. Тийм болохоор “Норд Стрийм 2” шугамаар байгалийн хий нийлүүлж болохгүй” гэсэн юм. Мөн хэрэв зөвшөөрөл олгоогүй цагт шугамыг ашиглалтад оруулах аваас шийтгэл ногдуулахыг ч хэлжээ.
Эх сурвалж: ТАСС