БНХАУ-ын засгийн газраас бараа бүтээгдэхүүний нийлүүлэлт, урсгалыг чөлөөтэй явуулах үүднээс үүсээд байсан чингэлгийн хомсдлын асуудлыг шийдвэрлэхийн тулд хэд хэдэн арга хэмжээ авч ажиллажээ.
Энэ оны эхний арван сарын хугацаанд л гэхэд БНХАУ-ын боомтуудаар нийт 12.87 тэрбум тонн ачаа бараа тээвэрлэсэн нь өнгөрөгч онтой харьцуулахад 7.8 хувиар өссөн үзүүлэлт юм. Тийнхүү өнгөрөгч гуравдугаар сард л гэхэд Хятадын Тээврийн яам, COSCO гэх тээврийн компани хамтран 13469 хоосон чингэлгийг дотоодын боомтууд руугаа татжээ. Түүнчлэн чингэлгийн хомсдолд орохоос сэргийлж чингэлэг үйлдвэрлэлийг дахин явуулж эхэлсэн бөгөөд чингэлгийн тоо даруй хоёр дахин өсжээ. Улмаар чингэлгийн тоо нэмэгдсэний улмаас энэ жилд тус улсын экспорт, импорт өнгөрсөн жилээс 22.2 хувиар өссөн үзүүлэлттэй байгаа юм.
Эх сурвалж: Xinhua