ОХУ-ын ерөнхийлөгч Владимир Путин, АНУ-ын ерөнхийлөгч Жо Байден нар мягмар гарагт цахим уулзалт хийжээ. Уулзалтын гол сэдэв нь Украин улсын хил дээр үүсээд буй хурцадмал байдал байсан юм. Цагаан Ордноос мэдээлснээр цахим уулзалт нийт 2 цаг үргэлжилсэн юм.

Харин уулзалтын үеэр ерөнхийлөгч нар “Норд Стрийм 2” хийн шугамын талаар санал солилцсон эсэхийг асуухад Кремлийн зөвлөх Юрий Ушаков, “Нийтлэг асуултуудад хариулахад, уулзалтын үеэр огт дурдаагүй сэдвүүд дунд цар тахал, уур амьсгалын асуудлууд, эрчим хүч зэрэг бий” хэмээжээ.

Уулзалт тодорхой үр дүнд шууд хүрээгүй бөгөөд дахин илүү лавшруулан уулзах хэрэгтэй гэж үзсэн тул талууд өөрсдийн төлөөлөгч нарт анхаарал шаардлагатай асуудлууд дээр анхаарч ажиллахыг үүрэгдсэн байна.

Эх сурвалж: ТАСС