АНУ-ын Эрчим хүч, мэдээллийн албанаас өнгөрөгч мягмар гарагт мэдээлснээр энэ сард нэг галлон бензин дунджаар 3.13 ам.доллароор борлуулагдах бол ирэх оны нэгдүгээр сард бензиний үнэ улам унаж, нэг галлон нь 3.01 ам.доллароор борлуулагдах гэнэ.

Улмаар тус албанаас тооцож байгаагаар бензиний үнэ цаашид ч унах бөгөөд ирэх онд нэг галлон бензин дунджаар 2.88 ам.доллароор борлуулагдах юм.

Даваа гарагийн байдлаар нэг галлон бензиний улсын дундаж 3.34 ам.доллар байсан нь өнгөрөгч долоо хоногийн дунджаас даруй 5.3 центээр буурсан үзүүлэлт ажээ. Харин бензиний үнэ ийн буух болсныг мэргэжилтнүүд омикрон хувилбартай холбон тайлбарлаж байна.

Түүнчлэн 2022 онд АНУ-ын газрын тосны олборлолт өдөрт дунджаар 11.8 сая боошиг болох тооцоо байгаа гэнэ.