Коронавирусийн цар тахалтай холбогдуулан томоохон байгууллагууд ажилчдаа зайнаас ажиллуулах болж, оффис цуглах товоо хойшлуулсаар өдийг хүрсэн билээ.
Тэгвэл омикрон хувилбар гарснаас хойш томоохон байгууллагууд оффис цуглах товоо эргэн харах болсон юм.
Гүүгл, Форд зэрэг компаниуд аль хэдийн 2022 оны гуравдугаар сараас нааш оффисоор ажиллуулахгүй байхаар тогтоод амжсан энэ цагт хоол хүргэлт, машин түрээс, дугуй түрээсийн үйлчилгээ явуулдаг америк компани Lyft 2023 он хүртэл ажилчдаа зайнаас ажиллуулах болжээ.
Тус компанийн хэвлэлийн төлөөлөгчийн мэдэгдсэнээр, оффис 2022 оноос үүд хаалгаа нээх болов ч ажилчид хүсвэл оффист ирэх шаардлагагүй хэмээсэн байна.
Түүнчлэн саяхан нэрээ солиод амжсан Мета ч мөн ирэх оны нэгдүгээр сард оффисын үйл ажиллагаагаа эргүүлэн нээх ч оффисоос ажиллах эсэх сонголтыг ажилчдадаа олгох болсон юм.
Эх сурвалж: CNN