ХБНГУ Украины хил дээр үүсээд буй хурцадмал байдлын хүрээнд ОХУ-ын хийн шугамд зөвшөөрөл олгох ажлыг түр азнаад байгаа энэ цаг үед Их Британи, Европт байгалийн хийн үнэ дахин өсөж эхэллээ.
Улмаар ХБНГУ-ын гадаад хэргийн сайд Анналена Бэрбокийн хэлснээр “Норд Стрийм 2” хийн шугам нь Европын холбооны эрчим хүчний тухай хуулийн шаардлагыг хангахгүй байгаа учир зөвшөөрөл олгох боломжгүй байгааг уламжилсан юм. Түүнчлэн хатагтай Бэрбок, ОХУ Украины хил дээр 100 мянга гаруй цэргээ байршуулсан нь зөвшөөрөл олгохгүй байх өөр нэгэн хүчин зүйл болж байгааг ч хэлжээ.
Харин зөвшөөрөл олгоогүйн хариуд ОХУ байгалийн хийн экспортоо удаашруулж эхэлсэн бөгөөд үр дүнд нь Европ тив болоод Их Британид цахилгааны үнэ эргэн нэмэгдэж байна.
Их Долоогийн зүгээс ОХУ-ыг Украин руу дайрах вий гэхээс санаа зовниж байгаа учир ийнхүү Герман улсаар дамжуулан АНУ-ын оролцоотойгоор хийн шугамд зөвшөөрөл олгох ажилд саад учруулаад байгаа юм. Учир нь олон улс хийн шугам Украин улсыг нэвт дайран өнгөрдөг тул зөвшөөрөл олгох аваас Оросууд булаан эзлэх ажиллагааг явуулахад илүү хялбар болно гэж эмээж байгаа ажээ.
Эх сурвалж: The Guardian