Мальта улс зугаа цэнгэлийн зорилгоор каннабис ашиглахыг зөвшөөрсөн Европын холбооны анхны улс болох гэж байна. Тодруулбал мягмар гарагт тус улсын парламент олонхын саналаар каннабисын хэрэглээг хуулиар зөвшөөрөх болсон бөгөөд энэ долоо хоногтоо багтаан Мальтын ерөнхийлөгч Жорж Велла хуулийн төслийг батлах бичигт гарын үсэг зурснаар хүчин төгөлдөр хэрэгжих гэнэ.
Улмаар Мальтын Тэгш байдал, судалгаа, инновацийн сайд, каннабисын тухай хуулийг санаачлагч, Овен Бонничи өөрийн Твиттер хуудаснаа, “Хурал амжилттай! #Каннабисын шинэчлэлтийн тухай хууль танилцуулгын гурав дахь шатандаа тэнцлээ. Бид бол өөрчлөлтийг түүчээ юм” хэмээн жиргэсэн байна.
Тийнхүү шинээр батлагдах хуулийн хүрээнд Малта улсын 18 болон түүнээс дээш насны иргэд 7 хүртэлх граммын хэмжээтэй каннабис эзэмшиж болох бөгөөд гэртээ каннабисын төрлийн 4 хүртэлх ургамлыг тарьж ургуулах боломжтой болжээ.
Харин олон нийтийн газар каннабис татах нь хуулиар хориотой гэнэ. Хэрэв иргэн олон нийтийн газар, эсхүл бага насны хүүхдийн дэргэд каннабис татвал 340-564 ам.доллароор торгуулах юм.
Эх сурвалж: CNN