Мьянмар улсын сүүдрийн засгийн газар дэлхийн хамгийн тогтвортой коин гэж нэрлэгддэг TETHER коиныг албан ёсны төлбөрийн хэрэгслээр хүлээн зөвшөөрч буйгаа илэрхийлжээ. Тус коиныг ийн хүлээн зөвшөөрснөөр төлбөр төлж, хөрөнгийн сан босгоход илүү хялбар болох гэнэ.
Улмаар Мьянмарын Үндэсний эв нэгдлийн засгийн газраас “хувьсгал” хийж, одоо байгаа цэргийн дэглэмтэй засгийн газрыг унагахын тулд тусламжийн сан босгож байгаа ажээ. TETHER коин нь бусад криптовалютын адил журмаар гүйлгээнд оролцдог тул засгийн газраас гүйлгээг хянаж, нөлөөлөх боломжгүй гэнэ. Түүнчлэн коины ханш нь америк доллартой тэнцэж байдаг учраас Мьянмарын мөнгөн тэмдэгтийн ханш унасан ч үнэ цэнээ хадгалсаар байх ажээ.
Харин цэргийн дэглэмт эрх баригч засгийн газраас тус нэгдлийг “террорист” хөдөлгөөн гэж тодорхойлоод байгаа юм.
Эх сурвалж: Al Jazeera