АНУ-ын зүгээс Шинжаан дахь хүний эрхийн асуудлаас үүдэн Шинжаан-Уйгурын өөртөө засах орноос бараа бүтээгдэхүүн импортлохыг хориглох зэрэг Хятадын компаниудын эсрэг хориг арга хэмжээ авч буйг тус улс эрс эсэргүүцэж буйгаа илэрхийлэн, хариу арга хэмжээ авахаа мэдэгдэв.
Хятадын ГХЯ-ны хэвлэлийн төлөөлөгч Ван Вэньбин ээлжит хэвлэлийн бага хурал дээр хэлэхдээ, Америкийн хориг арга хэмжээ нь зах зээлийн эдийн засгийн зарчим, олон улсын худалдааны дүрмийг зөрчсөн үйлдэл гэж үзэж, эрс дургүйцэж, эрс эсэргүүцэж байгаагаа илэрхийлжээ.
Мөн хэвлэлийн төлөөлөгч Ван Вэньбин хэлэхдээ, хориг арга хэмжээнд өртсөн Хятадын байгууллага, компаниудын хууль ёсны эрх ашгийг хамгаалахын тулд шаардлагатай бүх арга хэмжээг авна гэдгээ онцлов.
Эх сурвалж: YTN