Даваа гарагт Калифорни мужийн удирдлагаас Walmart дэлгүүрийг жил тутам нэг сая гаран хортой хог хаягдал ил задгай хаядаг хэмээн Улсын шүүхэд гомдол мэдүүлжээ.
Тодруулбал, Walmart дэлгүүр жил бүр лити батерей, амьтны хор, цэвэрлэгээний бодис гэх мэт химийн хортой, 156 мянган фунтийн жин бүхий нэг сая гаруй хог хаягдлыг ил задгай орчинд хаядаг нь тогтоогдсон байна. Угтаа тэдгээр бүтээгдэхүүнийг зохих ёсны дагуу устгалд оруулж байх хэрэгтэй байдаг ч Walmart тийн ил задгай хаядаг байжээ.
Түүнчлэн гомдлын хүрээнд тус сүлжээ дэлгүүрийг сүүлийн 6 жилийн турш хүрээлэн буй орчны хуулийг зөрчсөн гэж мэдэгдсэн юм. Мөн нууцын зэрэглэл бүхий хэрэглэгчдийн мэдээллийг ч зохих ёсны дагуу устгалд оруулалгүй хаясан гэсэн гомдол ч хавсарч байгаа гэнэ.
Харин Walmart-ийн зүгээс шүүхийн өмнө өөрсдийгөө өмгөөлөхөө мэдэгдэж, аудитын шалгалт хийхэд ямар ч зөрчилгүй гарсан хэмээжээ.
Эх сурвалж: CNN