Зарубежнефтийн бизнес хөгжүүлэлтийн албаны дарга Борис Воронцовын мэдээлснээр тэдний компани хэд хэдэн газар байгалийн хийн төсөл хэрэгжүүлэхээр төлөвлөж байгаа гэжээ.
Түүний хэлснээр, “Манай компани зүүн өмнөд Ази, Ойрх Дорнод, Хойд Америкт төсөл хэрэгжүүлэхээр төлөвлөж байгаа. Алжирт байгалийн хийн төвлөрсөн цэг байгуулах нь нэн тэргүүний ажил болоод байна. Эдгээр төслүүдийн хүрээнд хийх хэлэлцээрт төрийн өмчит Сонатрак компани бидэнтэй хамтран ажиллах болсон” гэнэ.
Түүнчлэн дээр дурдсан газруудаас гадна, Зарубежнефть Пакистан улсад ч төсөл хэрэгжүүлэх асуудлыг авч үзэж байгаагаа илэрхийлжээ. Харин Зүүн өмнөд Азийн хувьд Вьетнам, Индонез зэрэг улсуудад нэмэлт төсөл хэрэгжүүлэх нөхцөлийг судалж байгаа юм.
Эх сурвалж: ТАСС