Орчлон ертөнцийн үүслийн талаарх хариултыг олох зорилготой Жеймс Уэбб сансрын дуран (JWST) орон нутгийн цагаар 25-ны өдөр сансарт гарахаар болжээ.
Сансар огторгуйн түүхэн дэх хамгийн том 10 нээлтийн нэгээр нэрлэгддэг шинэ үеийн сансрын дуран хэмээн нэрлэгдэж асан Хабблыг (HST) 1989 онд болж бүтээснээс хойш даруй 32 жил өнгөрч эдүгээ үеэ өнгөрөөгөөд байгаа билээ.
НАСА-гийн мэдээлснээр Жеймс Уэбб сансрын дуранг монголын цагаар 25-ны өдрийн 20:20 цагт Өмнөд Америкийн Францын Гвиана дахь Сансрын төвөөс Европын сансрын агентлагийн (ESA) Ariane 5 пуужинд тээвэрлэн хөөргөхөөр төлөвлөж байгаа аж.
НАСА, Европын сансрын агентлаг болон Канадын Сансар судлалын агентлаг (CSA) нарын хамтран хэрэгжүүлдэг JWST төслийн зорилго нь 13.8 тэрбум жилийн өмнөх Их тэсрэлтийн дараа орчлон ертөнцийн анхны од, галактикуудыг судлах явдал юм. Энэ том зорилгыг гүйцэлдүүлэхэд зүгээр харагдах гэрэл бус харин хэт улаан туяаны бүсийг ажиглах шаардлага тулгардаг аж. Харин энэхүү хариуцлагатай үүргийг хүлээж буй Жеймс Уэбб дуран нь хүн төрөлхтний түүхэн дэх хамгийн хүчирхэг, хамгийн том, хамгийн үнэтэй сансрын дуран юм. Хаббл дурангаас 100 дахин хүчтэй бөгөөд 7 тонн жинтэй уг дуранг 10 тэрбум ам.долларын төсвөөр бүтээсэн тухай Aссошиэйтед Пресс агентлаг мэдээлэв.
Эх сурвалж: Segye Ilbu