Хүн Аалз франчайзингийн хамгийн сүүлд нээлтээ хийсэн анги, “Хүн Аалз: Харих зам үгүй”, цар тахлын үед нээлтээ хийж, 1 тэрбум ам доллар давсан ашиг олсон анхны кино болжээ. Улмаар тус кино нь 2021 оны хамгийн их ашиг олсон киногоор нэрлэгдэх болсон юм.
Хүн Аалз франичайзингаас өмнө “Чанжин голын тулалдаан” хэмээх хятад кино 905 сая ам.долларын ашигтайгаар 2021 оны хамгийн өндөр орлого олсон кино гэх алдрыг хүртэж байжээ.
Түүнчлэн Хүн Аалзнаас өмнө хамгийн сүүлд 1 тэрбум ам.долларын ашиг олсон кино бол 2019 онд нээлтээ хийсэн “Оддын дайн: Скайуолкерын сэргэлт” гэнэ.
Тийнхүү цар тахал эхэлснээс хойш нэг ч Холливудын кино энэ хэмжээний их ашиг олоогүй байна.
Мөн дэлхийн кино урлагийн хамгийн том зах зээл болсон Хятадын кино театруудад ч цацагдаж эхлээгүй атал ийм их ашиг олно гэдэг үнэхээр том амжилт юм.
Эх сурвалж: BBC