Даваа гарагт дэлхий дахинаа нийт 2800 гаруй нислэг цуцлагдаж, 11000 нислэг саатжээ. Цуцлагдсан нислэгийн 1000 гаруй нь АНУ-аас гарах, эсхүл тус улсыг зорьсон нислэг байсан юм.
Коронавирусийн цар тахал, зул сарын баяр давхацсан өнгөрөгч гурван хоногт нийт 7000 нислэг цуцлагдаад байсан бол ийнхүү даваа гарагт ч нислэгийн үйл ажиллагаа дахин доголдож, саатаж, цуцлагдсан байна. Харин нислэг цуцлагдах шалтгааныг тодруулбал, агаарын тээврийн салбарт ажиллагсад, хөлгийн багийн гишүүд коронавирусийн халдвар авах нь олширсон тул ажиллах хүн хүчний хомсдол үүсээд байгаа гэнэ.
Тийнхүү АНУ-ын хамгийн том авиа компаниуд болох Аляска Эйрлайнс, Юнайтед Эйрлайнс, Дельта Эйрлайнс нар нислэгүүдээ цуцалж, европын Бритиш Эйрвэйс, Виржин Атлантик ч зарим нислэгээ цуцалсан байна. Харин ХБНГУ-ын агаарын тээврийн хамгийн том авиа компани болох Луфтхансагаас мэдэгдсэнээр, цар тахал дуусаагүйгээс үүдэн энэ өвөл төлөвлөөд байсан нийт нислэгийнхээ 10 хувийг гүйцэтгэж чадахгүй болсноо дуулгажээ.
Эх сурвалж: CNN