Японы Иомиури сонинд нийтэлснээр Хойд Солонгос, Хятад хоёр улс цар тахлын улмаас 2020 оны намраас хойш зогсоогоод байсан газрын худалдаагаа энэ сард сэргээх тохиролцоонд хүрсэн байх магадлалтай тухай онцолжээ.
Иомиури сонины 1-ний өдөр мэдээлснээр Хойд Солонгос-Хятадын худалдааны салбарын албаны хүн энэ 1-р сард газрын худалдааг сэргээхэд бэлтгэх тухай мэдэгдлийг БНАСАУ-ын засгийн газрын албан тушаалтнаас хүлээн авсан болохоо мэдэгдсэн байна.
Ингэснээр тус 2 улсын хооронд байгуулсан гэрээний дагуу БНХАУ-ын Ляонин мужийн Дандонг болон Хойд Солонгосын Синуйжү хотыг холбосон төмөр замаар сүү, сүүн бүтээгдэхүүн, эм тариа явуулахаар төлөвлөж байгаагаа нэмж хэлэв.
Хойд Солонгос болон Хятад улсууд нь өнгөрсөн оны арваннэгдүгээр сараас эхлэн хуурай замын худалдаагаа сэргээхээр тохиролцсон ч гаалийн журамтай холбоотой нарийвчилсан тохиролцоонд хүрээгүйн улмаас хойшлуулсан гэж Иомиури сонин цохон тэмдэглэв.
Эх сурвалж: SBS