Даваа гарагт Цагаан Ордноос мах, махан бүтээгдэхүүн боловсруулах, үйлдвэрлэх салбарын өрсөлдөөнийг нэмэгдүүлэх хүрээнд 1 тэрбум ам.долларын хөрөнгийг Америкийн аврах төлөвлөгөөнд оруулах болсноо мэдэгджээ. Улмаар хөрөнгө оруулалт нь мах боловсруулах салбарын өрсөлдөөнийг нэмэгдүүлэх, хэрэглэгчдэд махыг хямд үнээр нийлүүлэх зорилготой юм.

Өнгөрсөн оны арван-нэгдүгээр сард л гэхэд үхрийн махны үнэ 2020 оны мөн үетэй харьцуулахад даруй 20.9 хувиар өссөн бол бусад хүнсний бүтээгдэхүүний үнэ 6.4 хувиар өссөн байна.

Тийнхүү Цагаан Ордноос мэдэгдсэнээр, “Сүүлийн хэдэн арван жилийн турш хэдхэн том компани зах зээлд ноёрхож, бүх л боломжийг өөрсдөдөө ашиглаж, Америк айлуудад цөөхөн сонголт бүхий барааг өндөр үнээр нийлүүлэхийг үзлээ. Тиймээс тус салбарт хөрөнгө оруулбаас бусад улс орноос үл хамааран улсынхаа махан бүтээгдэхүүний хэрэгцээг хангах боломж бүрдэнэ" гэнэ.

Харин 1 тэрбум ам.долларыг хаанаас босгож өгөх тухайд, коронавирусийн онцгой байдлын үед баталсан 1.9 их наяд ам.долларын хөрөнгөөс шилжүүлэх ажээ.

Эх сурвалж: CNN