Дэлхий дахинаа эрчим хүчний хямрал нүүрлэж, үнэ өсөж байгаагаас үүдэн Косово улс цахилгаан эрчим хүч зарцуулалтыг хязгаарлах зорилгоор криптовалют олборлохыг хоригложээ.
Тийнхүү Косово улсын засгийн газраас мэдэгдсэнээр тэдний аюулгүй байдлын алба криптовалют идэвхтэй олборлож байгаа үүсгэврүүдийг олж илрүүлэн, таслан зогсоох арга хэмжээ авах гэнэ.
Түүнчлэн Европ тив даяар цахилгаан эрчим хүчний үнэ нэмэгдэж байгаа энэ үед Косово цахилгааны хязгаарлалт тогтоох болсон юм. Учир нь өнгөрөгч сард Косово улсын хамгийн том нүүрсний цахилгаан станц техникийн асуудлаас улбаалан ажиллагаагүй болж улмаар өндөр үнээр цахилгаан эрчим хүч импортлох болжээ. Тиймээс цахилгаан хэрэглээгээ танах шаардлага тулгараад байгаа нь энэ юм.
Эх сурвалж: BBC