Европын холбоо болон Европын холбооны статистикийн агентлаг Евростат нарын орон нутгийн цагаар 7-ны өдөр мэдээлснээр, Евро бүсийн евро хэрэглэдэг 19 орны хэрэглээний үнэ өнгөрсөн сард өнгөрсөн оны мөн үеэс 5 хувиар өссөн нь 1997 оноос уг статистик мэдээллийг гаргаж эхэлснээс хойших хамгийн өндөр үзүүлэлт болсон талаар онцолжээ.
Евро бүсийн инфляци өнгөрсөн сард 5 хувьд хүрсэн нь өнгөрсөн оны арваннэгдүгээр сард буюу нэг сарын өмнө 4.9 хувьд хүрч дээд амжилт тогтоосныг эвдсэн байна.
Эрчим хүчний үнэ өнгөрсөн оны мөн үеэс 26.0%-иар өссөн нь энэхүү үр дүнд ихээхэн нөлөөлсөн гэв. Түүнчлэн хүнсний бараа бүтээгдэхүүн 3.2%, үйлчилгээний үнэ 2.4% тус тус өсчээ.
Европын хамгийн том эдийн засагтай Герман улсын хэрэглээний үнийн индекс өнгөрсөн онд 3.1 хувьд хүрснээр 28 жилийн өмнө 1993 онд Зүүн болон Баруун Герман нэгдсэний дараа инфляцийн түвшин огцом өсч 4.5 хувьд хүрч байсны дараа орохуйц өндөр өсөлт болсон байна.
Эх сурвалж: YTN