Эрчим хүчний салбарын зөвлөх “IHS Markit”-ийн тайланд тусгаснаар БНХАУ шингэрүүлсэн байгалийн хийн импортоор Япон улсыг ардаа орхижээ. Тийнхүү Хятад улс байгалийн хийн импортоор дэлхийд тэргүүлэгч болсон байна.
Тодруулбал, 2021 онд Хятад улс нийт 81.4 сая тонн шингэрүүлсэн байгалийн хий импортолсон бөгөөд энэ нь 2020 онтой харьцуулахад 17.8 хувийн өсөлттэй үзүүлэлт гэнэ. Харин Япон улс өнгөрөгч жилд нийт 75 сая тонн байгалийн хий импортолж, ердөө 0.2 хувийн өсөлт үзүүлжээ.
Тийн 1970 оноос хойш байгалийн хийн хамгийн том импортлогчийн байр суурийг эзэлж байсан Япон улс 50 гаруй жилийн хугацаанд анх удаа байр сууриа алдсан байна. Тэгвэл байгалийн хийн импортын хэмжээгээр БНСУ гуравдугаарт бичигдсэн бол Австрали улс байгалийн хийн экспортоор дэлхийд тэргүүлжээ.
Эх сурвалж: Caixin Global