БНХАУ-ын Гаалийн Ерөнхий Бүртгэлийн газрын Статистик, шинжилгээний хэлтсийн дарга Ли Куйвэн баасан гарагт хийсэн хэвлэлийн бага хурлынхаа үеэр, Хятад улсын гадаад худалдааны хүрээнд хамтын ажиллагаагаа идэвхтэй хөгжүүлэх орны жагсаалтад ОХУ багтсан болохыг хэлжээ.
Түүний хэлснээр, “Бид ОХУ, Зүүн Өмнөд Азийн орнуудын холбооны гишүүд болоод Африк, Латин Америкийн улсуудтай хамтарсан гадаад худалдаагаа идэвхтэй хөгжүүлж байгаа. 2001 онд л гэхэд Хятад улсын тэдгээр улстай хийсэн худалдаа ердөө 16 хувийг бүрдүүлдэг байсан бол 2021 онд даруй 30.7 хувьд хүрсэн байна” гэсэн юм.
Тийнхүү тоон мэдээллээс үзвэл өнгөрөгч онд тус улсын гадаад худалдаа нийт 6.05 их наяд ам.долларт хүрсэн байна. Энэ нь өнгөрөгч онтой харьцуулахад 30.3 хувиар өссөн үзүүлэлт ажээ. Харин Хятадын экспорт 2020 онтой харьцуулахад 29.9 хувиар өссөн бол импорт 30.1 хувиар өссөн байна.
Эх сурвалж: ТАСС