АНУ-ын засгийн газрын зүгээс Ерөнхийлөгч Жо Байдены тэргүүлэх зорилт болох "Илүү сайн Америкийг бүтээе" төслийн хүрээнд хурдны замын гүүрийг засварлахад 27 тэрбум ам.долларын хөрөнгө оруулалт хийхээр болжээ.
АНУ-ын Тээврийн яам орон нутгийн цагаар 14-ний өдөр хийсэн хэвлэлийн мэдээнд, "Бид дараачийн таван жилд 15 мянга гаруй гүүрийг засварлахад 27 тэрбум ам.долларын хөрөнгө оруулалт хийхээр боллоо. Ингэснээр одоогийн хурдны замын системийг бий болгосноос хойш гүүрэн байгууламжид оруулсан хамгийн том хөрөнгө оруулалт болж байна” хэмээн мэдэгджээ.
Тус улсын тээврийн сайд Пит Буттигег хэлэхдээ “Бид аюулгүй байдлыг дэмжиж, эдийн засгийг сэргээхэд туслах гүүрний засварын хөтөлбөрийг эхлүүлж байгаадаа маш их баяртай байна” хэмээн онцлов.
Ерөнхийлөгч Байден ч мөн тун уахгүй өнгөрсөн оны арваннэгдүгээр сард Дэд бүтцийн тухай хуулийг баталснаас хойшхи хоёр сарын гүйцэтгэлийг дүгнэж, уг төслийн хүрээнд цаашид хийх ажлуудынхаа талаар тусгайлан цаг гарган тайлагнах төлөвлөгөөтэй байгаа аж.
Эх сурвалж: YTN