Дэлхийн хэмжээний технологийн Google компанийн зүгээс өөрийн ажилтнууд төдийгүй компанийн оффисоор нэвтэрч буй бусад бүх хүмүүсийг долоо хоног бүр Ковид-19 цар тахлын шинжилгээ өгсөн байхыг шаардах болжээ.
АНУ-ын өргөн нэвтрүүлгийн CNBC сувгийн мэдээлснээр, орон нутгийн цагаар 14-ний өдөр Google компанийн АНУ дахь оффис, байгууламж руу нэвтэрч буй хүн бүрээс долоо хоногийн дотор өгсөн цар тахлын шинжилгээний хариутай байхыг шаардах болсон байна. Мөн албан тасалгаанд байгаа үедээ амны хаалтыг заавал зүүх ёстой гэжээ.
Учир нь сүүлийн үед тус улсад цар тахлын шинэ хувилбар болох Омикроны тархалт ноцтой хэмжээнд хүрсэнтэй холбоотой юм. Бусад томоохон компаниудтай харьцуулахад Google компани нь илүү чанга хатуу хорио цээрийн арга хэмжээ авч байгаа нь анхаарал татаж буй юм. Өнгөрсөн сард л гэхэд уламжлалт байдлаар оффисоос ажиллах төлөвлөгөөг хойшлуулсны зэрэгцээ цар тахлын вакцинжуулалтад заавал хамрагдахыг ажилтнууддаа үүрэгдэж, уг шийдвэрийг биелүүлээгүй тохиолдолд цалингаас хасах, бүр цаашлаад ажлаас халах хүртэл арга хэмжээ авахаа мэдэгдсэн юм.
Эх сурвалж: Segye