Ирэх сарын 4-ны өдөр эхлэх Бээжингийн өвлийн олимпын наадмын тэмцээн уралдааны тасалбарыг дотоодын иргэддээ ч худалдан борлуулахгүй байх шийдвэрийг зохион байгуулагчдын зүгээс гаргажээ.

Олимпын наадмыг зохион байгуулах хорооны зүгээс хийсэн мэдэгдэлдээ, цар тахлын тархалтаас болгоомжилж, олон нийтэд тасалбар худалдахгүй бөгөөд зөвхөн хорио цээрийн бодлогыг чанд баримталдаг тодорхой бүлгийн үзэгчдийг урихаар болсон тухай Ройтерс агентлаг мэдээллээ.

Зохион байгуулах хорооноос өнгөрсөн оны есдүгээр сард гадны орнуудаас ирэх үзэгчидийг хүлээж авахгүй байх шийдвэр гаргаад байсан билээ. Гэхдээ дээр онцолсон тодорхой бүлгийн үзэгчид гэдэг нь хэн болохыг тэдгээр хүмүүст хэрхэн тасалбар олгох талаар дэлгэрэнгүй мэдээлэл өгөөгүй байна.

Эх сурвалж: YTN