Microsoft компани орон нутгийн цагаар 18-ны өдөр Америкийн тоглоом хөгжүүлэгч томоохон компани болох Activision Blizzard-ийг 68.7 тэрбум ам.доллароор худалдан авахаар болсноо зарлалаа.
Microsoft нь Blizzard компанийн хувьцааг нэгж бүрийг 95 ам.доллароор буюу зах зээлд арилжаалагдаж байснаас даруй 45%-иар өндөр үнээр бүгдийг нь худалдан авах тохиролцоонд хүрсэн ба энэ нь Microsoft-ын 46 жилийн түүхэн дэх хамгийн том худалдан авалт болж буй юм. Үүгээрээ Microsoft нь метаверс буюу гурван хэмжээст виртуал ертөнцийн ноёрхолын төлөөх тулаанд оролцох боломжтой боллоо хэмээн үнэлэгдэж байна.
Blizzard компанийн хувьд “Call of Duty”, “Candy Crush” зэрэг алдартай тоглоомуудыг бүтээсэн бөгөөд дэлхий даяар бараг 400 сая хэрэглэгчтэй аж.
Гэвч Blizzard нь компани нь одоогийн байдлаар удирдлагуудын бэлгийн хүчирхийлэлтэй холбоотой хэрэг болон эрэгтэйчүүд давамгайлсан ажлын байрны соёл зэргээс үүдэн тус компанийн эсрэг эрх баригчдын зүгээс шүүхэд нэхэмжлэл гаргаж, одоогоор мөрдөн байцаалтын ажиллагаа явагдаж байгаа юм.
Эх сурвалж: YTN