БНХАУ-ын Гуанжоу хотоос ОХУ-ын Москва хот хооронд ачаа тээврийн галт тэрэгний шинэ төмөр зам нээгдсэн тухай Синьхуа агентлагаас мягмар гарагт мэдээлжээ. Энэ нь Гуанжоу хотоос Европ тивийг чиглэх анхны маршрут юм. Улмаар өчигдөр буюу нэгдүгээр сарын 18-ны өдөр тус чиглэлийн анхны галт тэрэг Гуанжоу хотоос гарсан байна.
Галт тэрэг нийт 445 тонн ачаа бараа тээвэрлэсэн бөгөөд Москва хотод 20 хоногийн дараа ирэх гэнэ.
Тийнхүү тус маршрутыг нээснээр тээвэрлэлтийн хугацаа 25 өдрөөр богиносож байгаа ажээ. Гуанжоу-Москва хооронд нийт 10900 километр зайтай юм.
Гуанжоу хот нь Хятадыг Европтой холбосон шинэ торгоны замд тооцогддог билээ.
Эх сурвалж: ТАСС