iPhone утсаараа машинаа асааж, хаалгыг онгойлгож түгждэг Apple компанийн бүтээсэн автомашины дижитал түлхүүрийн функцийг Hyundai Motors компанийн болон Hyundai-ийн тансаг зэрэглэлийн Genesis брэндийн зарим загварт ашиглах төлөвтэй байна.
Орон нутгийн цагаар 17-ны өдөр Apple компанийн мэдээллээр төрөлжин ажилладаг 'Power On' сайтын мэдээлснээр, Hyundai Motor компани болон тус компанийн Genesis брэнд энэ оны зунаас эхлэн Apple-ийн дижитал машины түлхүүрийн функцийг ашиглахаар болсон тухай онцолжээ. Гэхдээ компанийн зүгээс яг аль загвар дээр хамтран ажиллаж буйгаа тодорхой зарлаагүй байгаа боловч “Ioniq 5” зэрэг зарим загварууд ухаалаг утас болон машиныг холбосон функцээр тоноглогдсон нь анхаарал татаж байна.
2020 оны 6-р сард Apple компани iPhone ухаалаг утсыг автомашины түлхүүр болгон ашиглах боломжтой дижитал түлхүүрийн функцийг танилцуулсан билээ. Уг дижитал түлхүүр нь iPhone утсаа машины бариуланд хүргэхэд хаалга нь автоматаар түгжигдэх болон нээгдэх, мөн ухаалаг утсаа машины цэнэглэх тавиур дээр байрлуулснаар хөдөлгүүрийг асаах боломжтой функц аж. Үүний зэрэгцээ Apple-ийн энэхүү дижитал түлхүүрийн функцийг BMW компани 2021 оны загвартаа анх ашиглаж байсан юм.
Эх сурвалж: FN News