2011 онд тохиосон цөмийн цахилгаан станцын гамшгаас үүдэн бамбай булчирхайн хорт хавдартай нь тогтоогдсон Япон залуус Фукушимагийн цахилгаан станцын операторыг шүүхэд өгчээ.
Гамшиг тохиох үед 6-16 настай байсан зургаан хүн өөрсдийн хорт хавдрын шалтгааныг хортой цацрагт өртсөнөөс улбаатай гэж тайлбарлаж байгаа юм.
Тийнхүү залуусын өмгөөлөгчийн хэлж байгаагаар, тэд бүгд хорт хавдартай хэсгээ авахуулах хагалгаанд орсон байна.
Гэвч тэдний хувьд цөмийн хортой цацрагаас үүдэн хорт хавдартай болсон гэдгээ нотлох тийм ч амар байхгүй ажээ.
Ямартай ч тэд 5.4 сая ам.доллартой тэнцэх хэмжээний мөнгийг Токиогийн Цахилгаан Эрчим хүчний компанийн оператораас нэхэмжилж байгаа юм.
Харин тус компанийн хэвлэлийн төлөөлөгчийн мэдээлснээр тэд залуусын шүүхэд хандаж байгааг мэдэж байсан бөгөөд тэдний гомдлыг нарийн шалгасан хойно шийдвэрлэх болно хэмээжээ.
Эх сурвалж: BBC