2021 оны үзүүлэлтээр Шинэ Зеланд улсын инфляц ойрын 30 жилд байгаагүй хамгийн дээд хэмжээнд хүрчээ.
Улмаар Хэрэглэгчийн Үнийн Индекс өнгөрөгч оны сүүлийн 3 сарын хугацаанд 5.9 хувиар өссөн нь 1990 оны дунд үеэс хойших хамгийн хурдан өсөлтийг харуулсан байна. Түүнчлэн барилга, орон сууц түрээсийн үнэ огцом өсөж, шатахууны үнэ даруй 30 хувиар өссөн нь шинжээчдийн тооцоолж байснаас ч өндөр өсөлтийг үзүүлсэн тул Шинэ Зеланд улсын Нөөцийн банкнаас тус улс дахь амьжиргааны зардлыг бууруулах тодорхой арга хэмжээг авах нь илэрхий болоод байгаа юм.
Шинэ Зеландын Нөөцийн банкнаас сүүлийн хоёр чуулган дараалан хүүг нэмэгдүүлсэн ч ирэх хоёрдугаар сарын 23-ны өдөр дахин нэмэгдүүлэх эсэхээ шийдэх гэнэ.
Тэдний хувьд өнгөрөгч аравдугаар сард цар тахал гарснаас хойш хүүг нэмсэн анхны хөгжингүй улс болсон бөгөөд АНУ ч мөн адил хүүг нэмэх тухай асуудлыг авч үзэж байгаагаа илэрхийлсэн байна.
Эх сурвалж: BBC