БНХАУ өнгөрөгч сард хөдөө, ахуйн салбарын ойрын таван жилийн төлөвлөгөөгөө баталсан билээ.
Тэгвэл тус улсын Хөдөө аж ахуй, орон нутгийн асуудал эрхэлсэн яам өнгөрөгч лхагва гарагт тухайн төлөвлөгөөгөө танилцуулсан бөгөөд төлөвлөгөөнд тусгаснаар тус яам ирэх жилүүдэд хөдөө аж ахуйн салбарын ногоон хөгжил, шинэчлэлийг дэмжих экологийн өндөр ач холбогдолтой фермийг олноор барих болжээ.
Улмаар 2025 он гэхэд үндэсний статустай 1000, бүсийн статустай 10000 эко фермийг барьж, ашиглалтад оруулахаар зорьсон байна.
Ингэснээр бараа бүтээгдэхүүний чанар сайжирч, фермүүдийн үр өгөөж нэмэгдэн салбарын өрсөлдөөн ч нэмэгдэх юм.
Харин эко фермийг ийнхүү олноор барих нь салбарын үйл ажиллагааг байгальд илүү ээлтэй болгож, тус улсын хүнсний аюулгүй байдлыг бүрэн хангах давуу талтай гэнэ.
Эх сурвалж: Xinhua