Tianyancha.com дата асуулгын платформоос гаргасан хамгийн сүүлийн үеийн судалгаагаар, БНХАУ-д 5.27 сая компани тоглоом, түүнтэй холбоотой эд материал үйлдвэрлэх чиглэлээр үйл ажиллагаа явуулдаг гэсэн тоо гарчээ.
Харин хачирхалтай нь тэдгээр компанийн 83 хувийг нь өнгөрөгч 5 жилийн дотор байгуулсан байна. Мөн тэдгээрийн 55 гаруй хувь нь хувийн өмчит компани гэнэ.
Тэгвэл аль мужид тус чиглэлийн компани хамгийн олон байдгийг судалж үзэхэд Гуандон муж 590,000 гэсэн тоогоор тэргүүлжээ. Гуандоны араас Жэжиан, Шаанси мужууд бичигдсэн байна.
Тийнхүү судалгаанаас үзэхэд Хятад улсад өдөрт 2700 гаруй тоглоомын үйлдвэр нээгддэг ажээ.
Эх сурвалж: China Daily