БНХАУ-ын Суудлын автомашины холбооноос даваа гарагт мэдээлснээр, АНУ-ын цахилгаан машин үйлдвэрлэгч Тесла корпорацын Хятад дахь үйлдвэр өнгөрөгч сард 59845 машин худалдаалжээ.
Теслагийн Шанхай хот дахь үйлдвэрт тэд Модель 3 загварын седан, Модель Y загварын спорт тоноглол бүхий машиныг үйлдвэрлэдэг юм.
Харин 2021 оны арван-хоёрдугаар сард тэд нийт 70847 машин борлуулсан бөгөөд үүнээс үзэхэд тэдний борлуулалт 16 хувиар буурсан байна. Гэвч тус үзүүлэлтийг Хятадын цахилгаан автомашин үйлдвэрлэгчдийн борлуулалттай харьцуулахад илт өндөр байгаа гэнэ. Тодруулбал, Хятадын цахилгаан машин үйлдвэрлэгч Нио нэгдүгээр сард 9652 машин худалдаалсан бол Xpeng компани 12922 машин худалдаалжээ.
Хятад улсын хувьд өнгөрсөн сард нийт 2.11 сая суудлын автомашин худалдаалсан нь 2021 оны мөн үетэй харьцуулахад даруй 4.5 хувийн өсөлттэй үзүүлэлт юм.
Эх сурвалж: The Reuters