Германы автомашин үйлдвэрлэгч Volkswagen компани Хятадын харилцаа холбооны тоног төхөөрөмжийн хамгийн том компани болох Huawei Technologies-ийн бие даасан жолоодлогын бизнесийг тэрбум еврогоор авахаар ярилцаж байгаа талаар Хонг Конгийн Эдийн засгийн өдөр тутмын сонин 18-ны өдөр мэдээлэв.
Германы сар тутмын эдийн засаг, бизнес санхүүгийн талаар мэдээлэл хүргэдэг Мanager сэтгүүлд мэдээлснээр, Volkswagen компанийн хувьд бие даасан жолоодлогын технологийг худалдан авах зорилгоор сүүлийн хэдэн сарын турш Huawei-тэй өндөр түвшний яриа хэлэлцээ хийсээр байгаа хэмээн дурдсан байна.
Volkswagen компанийн гүйцэтгэх захирал Херберт Дисс 16-ны өдөр хэлэхдээ, ирэх 25 жилийн хугацаанд бие даасан жолоодлого нь автомашины үйлдвэрлэлд өргөн хэрэглэгдэх тул холбогдох техникийн тоног төхөөрөмжөөр өөрийн чадавхийг нэмэгдүүлэх шинэ хамтрагчдыг хайж байгаагаа цохон тэмдэглэсэн аж.
2020 оны эцсийн байдлаар Volkswagen групп нь Porsche-тэй хамтран Volkswagen-ийн 53.3 хувийг эзэмшиж байгаа бол Германы Доод Саксон муж 20 хувийг эзэмшиснээр хоёрдугаарт бичигдэн Катарын хөрөнгө оруулалтын газар 9.7 хувийг эзэмшин гуравдугаар байрыг эзэлдэг байна.
Эх сурвалж: Newsis